| 今日完完全全係我既黑色星期日....... 買左只有兩個月既電話趺左呀!!!!!!!!!!!!!!!!!!!!!!! 很很很很很很很傷心 >< 很多電腦號碼找不到返黎了.................... 如果有任何朋友睇到呢篇野,又發現我呢排少左同你聯絡,請你由明天起打俾我吧,因為好有可能我係冇左你個電話numbers........................... 欲哭無淚中... 感謝您在我意識迷糊之中拯救了我,讓我知道3既cut 機電話.................................thx so much ar !! |
| |
| 被稱為（張姑娘）的日子距今只有四十多天，一心十用的情境日日可見－ 當我正做緊Intake Summary既paperwork時;家務員A就會跑黎向我說：｛姑娘，A婆婆今日隻腳好腫呀！｝,當我想回應時;電話就會咁啱響起了, 要我處理Intake;之後到我完結左個電話之後，家務員B就會黎同我講：｛阿B婆婆21號唔要飯,22號先要飯,23號又要停飯........｝;家務員B都未講完，家務員C就會上場，同我講想邊日攞假，邊日放大假.....這個時候,文員D就會同我講：｛麻煩姑娘幫我開夾萬！｝......到我完成左以上既事務之後,打算乖乖地做paperwork時，同事E就會同我傾Stat既野......傾完之後望下個鐘,哎呀!原來已經11點了!之後我就會衝出去見Case了.....返到中心又會多份paperwork... 不過忙還忙,我又覺得自己做得都幾開心,特別係每次去見case,佢地都會狂質我食野...又會話:姑娘,我識睇相ka,你實嫁得出呀！...>< 有時問開佢地對我地服務既意見呀,d飯好唔好食呀，佢地都會好巧妙咁暗示d飯其實真係不太好，不過為左俾面我地，所以都會話好食... 老人家真係好得意呀! |
| |
| 自從星期五後，我的心情完全被剛剛接的case影響，我感覺到自己的無助，感受到自己的無奈，卻不知如何求助 到這時，才輾轉想起Mark仔曾經在上堂時，分享過面對這種個案的解決方法，可惜當時的我沒去珍惜，很快便忘記得一乾二淨．而家想用出來都唔識．．＞＜ 如何令同事們接受這位client，願意向他提供服務，係一個好大亦困難既學問．．更枉論係送飯，護送等涉及身體接觸的服務．．我明白到如果要讓別人接受他，首先我便先要接受他，諒解他的需要，讓他明白到縱使得到絕症，他亦得到別人的關心，別人無私的照顧，這是我身為社工的職責，亦是我必須做的事 尊重愛滋病患者，讓他得到有尊嚴，有合理待遇的生活，我明白到是我在處理這個案必須做的事 Abby，你身為直屬個案社工，你是可以做到的，對自己有更多的信心呀！ |
| |
| 在機構返工剛剛有一個月了,今日正式攞鎖匙,以後要負責鎖門了!>< 工作每日隨日子增加,現在累積既case已經接近150個,同事忍不住話我做咩咁鬼好生養......今日接到既呢個case,當中client既背景,病況都令我非常之感到措手不及,同事說這是十多年都無遇過既case,內心既無助湧哂出黎.....見步行步.鴨比,相信自己既能力,頂住呀! |
| |
